Godkjende lister
Godkjende lister til Stortingsvalet 2025
Kven kan røysta?
Norske statsborgarar som har fylt 18 år eller fyller 18 år innan utgangen av valåret har røysterett dersom vedkomande er eller har vore folkeregistrert som busett i Noreg.
Står du i manntalet?
Manntalet er ei liste over alle personar som har røysterett ved val i Noreg.
Har du meldt flytting frå ein kommune til ein annan innan 30. juni valåret, står du i manntalet i kommunen du flyttar til.
Har du meldt flytting etter 30. juni valåret er du manntalsført i kommunen du flyttar frå.
Skjæringsdato er 30. juni og folkeregisteret ligg til grunn for manntalet.
Offentleg innsyn og klagerett
Manntalet blir lagt ut til offentleg innsyn rådhuset måndag 11. juli, eller så fort det let seg gjere og blir liggjande ute til og med valdagen.
Har du merknader/klage på oppføring i manntalet, må du vende deg skriftleg til:
Valutvalet i Åseral, Gardsvegen 68, 4540 ÅSERAL eventuelt post@aseral.kommune.no
Informasjon om valkort
Valkortet er erstatta med informasjonskort. Her kjem det fram kor du må gå for å røyste valdagen. Informasjonskortet er ikkje legitimasjon men stadfesting på at du har røysterett.
Informasjonskortet vert sendt til din digitale postkasse. Dersom du har reservert deg mot digital kommunikasjon med det offentlege vil du motta informasjonskort på papir i posten.
Du treng ikkje informasjonskort for å røyste i heimkommunen men du tek kortet med deg om du røyster på førehand i andre kommunar enn heimkommunen.
Krav til legitimasjon
Legitimasjon skal innehalde namn, fødselsdato og foto. (Eks. bankkort med bilete, førarkort, digitalt førarkort og pass).
Tidlegrøysting (1. juli – 08. august)
Om det ikkje er mogleg for deg å røyste på førehand i ordinær periode (09.08. – 05.09.) eller på valdagen (08.09.) kan du frå 1. juli tidlegrøyste.
Kontakt Åseral kommune, tlf. 38 28 58 00, for å avtale tidspunkt. Hugs legitimasjon.
Førehandsrøysting (11. august – 05. september)
Åseral rådhus, Gardsvegen 68, 4540 ÅSERAL
Opningstid:
Måndag – fredag Kl. 07:30 – 15:00
Fredag 29.08. Kl. 07:30 – 17:00
Laurdag 23.08. Kl. 12:00 – 15:00
Laurdag 30.08. Kl. 12:00 – 15:00
Hugs legitimasjon!
Kan du røyste heime?
Om du er sjuk og det er vanskeleg for deg å koma til vallokalet, kan du røyste heime. Siste frist for å søke om å røyste heime er torsdag 4. september kl. 12:00.
Kontakt Åseral kommune, tlf. 38 28 58 00, for å avtale tidspunkt.
Valdagen (8. september)
Åseral rådhus, Gardsvegen 68, 4540 ÅSERAL
Opningstid: Kl. 11:00 – 19:00 - Hugs legitimasjon.