Ein slik søknad har krav til foretak som kan gis ansvarsrett for søknad, prosjektering og utføring. Dersom søknaden gjeld di eiga hytte, vil det vera mogleg å søkja som sjølvbyggar i samsvar med byggesaksforskrifta § 6-8. Om ein ønskjer å vera sjølvbyggar skal ein i tillegg til skjemaet det er vist til nedanfor, fylla ut blankett 5184.
Kva skal søknaden innehalde:
- Søknad om løyve til tiltak (blankett 5174).
- Skriftleg søknad om dispensasjon som er grunngjeven må vedlegges.
- Opplysningar om tiltakets ytre rammer og bygningsspesifikasjon (blankett 5175). Her skal det òg kryssast av for dispensasjon frå arealplan og eventuelt avvik frå tekniske krav. I tillegg skal det leggjast ved opplysing om kva ein ønskjer å avvike frå og ei grunngjeving for dette. Eit døme på dette, er at fritidsbustaden er i ein slik stand at det er forsvarleg å bu der utan behov for forbetringar.
- Søknad om løyve til tiltak og dispensasjon skal varslast til nabo. For nabovarsel skal følgjande blankettar brukast: 5156 og 5155. (Hugs å kryssa av for dispensasjon her òg).
- Eventuelle merknader skal svarast på og leggjast ved søknaden. Hugs at nabo har to veker til å kome med eventuelle merknader.
Ved eventuelt innvilga søknad skal tiltakshavar melde flytting til ny adresse, dette vil bli satt som eit vilkår i vedtaket med ein tidsfrist for oppfylling .