Det følgjer av plan- og bygningslova § 31-2 første ledd første punktum at alle krav som kan stillast til oppføring av ny bygning til slik bruk som søknaden om bruksendring gjeld, kan òg stillast til bygningen som skal bruksendrast. Dette gjeld alle dei krav som følgjer av byggteknisk forskrift til dømes krav til miljø, tilkomst, brannsikring, og at bygningen er oppført teknisk forsvarleg. Det kan òg settast krav til byggtekniske installasjonar som fyringsanlegg, ventilasjonsanlegg, sanitæranlegg, varmeanlegg med meir.
Det kan i samband med søknad om dispensasjon – søkjast om dispensasjon frå krav i TEK 17. Dette må konkretiserast og synleggjerast av ansvarleg søkjar.