Bustad
- Alle bustader skal ha sløkkjeutstyr og minst ein røykvarslar i kvar etasje.
Varsling
- Det skal vere minst éin detektor eller røykvarslar i kvar etasje, som skal dekkje kjøkken, stove, sone utanfor soverom og sone utanfor tekniske rom.
- Alarmen skal kunne høyrast tydeleg i opphaldsrom og soverom når dørene mellom romma er lukka.
- Røykvarslarar bør monterast nær trapper og rømningsvegar på høgaste punkt i taket og minimum 50 cm frå vegg.
- Røykvarslarane bør vere seriekopla, det vil seie at dei varslar samstundes. I nye bustader skal røykvarslarar vere kopla til straumnettet.
- Det er eigaren av bustaden som har ansvar for å skaffe og montere røykvarslarane.
- Den som brukar bustaden har ansvar for å teste, vedlikehalde og bytte batteri.
- Røykvarslaren bør testast kvar månad, og batteri bør byttast ein gong i året.
Sløkkjeutstyr
- Alle bustader skal ha sløkkjeutstyr.
- Det kan vere ein brannsløkkjingsapparat med pulver eller skum eller ein husbrannslange.
- Husbrannslangen må nå alle rom i bustaden.
- Utstyret skal vere synleg, lett tilgjengeleg og vedlikehalde.
- Beboarane må kunne bruke utstyret.
- Prøv ikkje å sløkkje ein eventuell brann dersom situasjonen opplevast som truande. Forlat heller bygningen og ring brannvesenet på nødnummer 110.
Hald brannøvingar heime
- Gjennomfør brannøving med familien.
- Fordel ansvar og lag rutiner.
- Snakk med barna om brann og brannførebygging.
Tips for å unngå brann i heimen din
- Sjekk at komfyr, vaskemaskin og tørketrommel er slått av.
- Slå av TV med av-knappen på apparatet, ikkje berre med fjernkontrollen.
- Sjekk at levande lys er sløkkte.
- Sjekk at ingen varmeomnar er tildekte.
- Reingjer kjøkkenvifte for brannfarleg feitt.
- Undersøk om det er svimerke eller sterk varmgang i sikringsskapet.
- Sjå etter svimerke i leidningar, stikkontaktar, kontaktar og lampar.
Les meir om brannsikkerheit i bustaden din på nettsida: Trygg kvardag (Direktoratet for samfunnstryggleik og beredskap).
Næring
- Alle som driv verksemd i eit næringssbygg, bygard og liknande, skal setje seg inn i kva krav som blir stilt til brannsikkerheit.
- Borettslag og sameige blir rekna som verksemd.
- Alle verksemder har plikt til å jobbe systematisk med brannsikring.
Les meir om kva krav som er stilt til ein brannsikker verksemd i rettleiing til forskrift om brannførebygging.
Særskilt brannobjekt
- Eit særskilt brannobjekt er byggverk, område, tunellar, verksemder med meir, der brann kan føre til tap av mange liv.
- Dette gjeld også stader der brann kan føre til store skader på helse, miljø eller materielle verdiar.
- Særskilte brannobjekt har spesielle krav til organisatoriske tiltak.
- Vi fører faste tilsyn med desse objekta.
- Kommunen er pliktig å ha oversikt over alle særskilte brannobjekt. Sjå brann- og eksplosjonsvernlova § 13.