I fjellområda rundt oss lever villreinen i Setesdal Vesthei og Ryfylkeheiane (SVR). Dette er den sørlegaste villreinstamma i Europa, og Noreg har eit særskilt ansvar for å ta vare på arten.
Villreinen lever i flokk og vandrar over store område for å finne mat og gode levevilkår. Han er sårbar for forstyrringar, særleg om vinteren og våren, når energinivået er lågt og dyra treng ro for å spare krefter.
Når mange legg ut på skitur i påska, er det ekstra viktig å vise omsyn.
Slik kan du ta omsyn på tur (villreinvettreglane):
- Følg merket løyper
- Ha hunden under kontroll
- Ser du villrein, stopp opp og la dyra trekke uforstyrra unna
- Hald god avstand og bruk kikkert
- Planlegg turen: Har du moglegheit, vel ei rute utanom område der villreinen ferdast.
På heimesida til SVR finn du gode råd om ferdsel,
og sjå kart over villreinområde.
Vi ønskjer alle ei god påske, med fine naturopplevingar for både turfolk og villrein!