Søk drømmestipendet 2026!

Er du mellom 18 og 25 år og driv med kunst eller kultur? Då kan du søkje Drømmestipendet 2026!

Drømmestipendet er eit samarbeid mellom Norsk Tipping og Kulturskulerådet. Stipendordninga blei etablert i 2004, og sidan då har ei lang rekkje unge kunst- og kulturutøvarar fått tildelt stipendet.

Stipendet skal gi verdifull inspirasjon og anerkjenning, og bidra til at unge kunst- og kulturutøvarar mellom 18 og 25 år får oppfylt draumane sine. Ordninga skal òg vere med på å synleggjere arbeidet kommunane gjer for unge kunst- og kulturutøvarar.

Det blir delt ut 50 stipend à 30 000 kr – til saman 1,5 millionar kroner.

Drømmestipendet blir delt ut innan kategoriane dans, musikk, sirkus, skapande skriving, teater, visuell kunst og open klasse. For å kunne søkje Drømmestipendet 2026, må du vere fødd tidlegast 1. januar 2000 og seinast 31. desember 2007. Dette gjeld òg alle medsøkjarar i ei gruppesøknad.

Les meir og søk her: https://drommestipendet.no/