Fiskeplassar

I Åseral finn du fleire fiskeplassar som er universelt utforma.

Fiskekort

Det er ulike reglar som gjeld for fritidsfiske, avhengig av om du fiskar i sjø eller i ferskvatn, årstider, art, og så vidare.

Barn under 16 år kan fiske fritt i ferskvatn med stong og handsnøre.

I Agder er det tillate å fiske etter aure (ørret), abbor (sjebbe), og bekkerøye, samt gjedde, karpe, karuss, gullvederbuk, røye, sandkrypar, skrubbe, suter, sørv, tredrepikket stingsild og ørekyt.

Alle over 16 år må kjøpe fiskekort eller innhente fisketillatelse hjå fiskeretshavaren før fisket startar. Kart over områda finn du her. (PDF, 2 MB)

Kjøp fiskekort på nett her

Du kan og få kjøpt fiskekort på Minne Kultursenter. 

Opparbeida fiskeplassar

Rundatjønn (Bortelid)

Denne fiskeplassen ligg ved Rundatjønn i Bortelid. Parkeringsplass på motsatt side av vegen gjer at vegen er kort ned til fiskeplassen som har benkar og bord. Det er opparbeida sti, og det er mogleg å finne fine plassar å fiske frå langs heile tjønna. Fiskeplassen ligg omlag 1 km nord for butikken i Bortelid på vegen inn mot Juvatn.

Bilete av Fiskeplass Rundatjønn i Bortelid - Klikk for stort bilete

Ljoslandsvatnet

Denne fiskeplassen ligg i sørenden av Ljoslandsvatnet i tilknyting til hovudveg. Parkeringsplass og fiskeplass er begge på venstre side av vegen. Fiskeplassen har opparbeida sti samt  benkar/bord.Fiskeplassen ligg omkring 2 km sør for Ljosland Fjellstove og er godt merka med skilt på høgre side av vegen.

Bilete av Fiskeplass Ljosland - Klikk for stort bilete

Torsland

Rett ved Torslandbrua er det ein flott fiskeplass tilrettelagt for rørslehemma. Her kan ein køyre heilt ned til elva for å fiske. Det er ein asfaltert flate å stå på under brua og det er laga fiskepirar samt benkar/bord. Fiskeplassen ligg ca 2,5 km frå Kyrkjebygda mot Bortelid. Køyr forbi industriområdet, og ta av på høgre side av vegen der det er skilta til Torsland. Fiskeplassen ligg på venstre side rett før brua. 

Bilete av Fiskeplass Torsland - Klikk for stort bilete