Bygg/tiltak utan søknadsplikt, plan- og bygningslova § 20-5

Du må uansett alltid vite kva reguleringsplanen tillet og gjev av moglegheiter der du ynskjer å setje i gang arbeid.

Sjå SAK-10 med rettleiing for meir utfyllande informasjon. Ved tvil, ta kontakt med kommunen for ei avklaring.  

Type tiltak:

• Frittliggande bygning på bebygd eigedom som ikkje skal brukast til varig opphald eller bustadføremål inntil 50 m2 BRA eller BYA. Mønehøgde inntil 4 m, gesimshøgde inntil 3 m. Skal plasserast minst 1 meter frå nabogrense. (Ver merksam på at mange reguleringsplanar sett avgrensingar når det gjeld storleik.)                 Skal meldast inn i etterkant. 
• Mindre tilbygg inntil 15 kvadrat BRA eller BYA. Tilbygget må vere understøtta og kan ikkje overstige to etasjar eller plan på det eksisterande bygget. 
  Skal meldast inn i etterkant.
• Terrasse med høgde inntil 1 meter frå eksisterande terreng. Må vere forbunde med ein bygning og ikkje stikke lengre ut frå bygningen sitt fasadeliv enn 4 meter. Kan ikkje vere overbygd og avstanden til nabogrensa skal vere minst 1 meter. (Ver merksam på at terrasse som er høgare enn 0,5 meter skal reknast med i BYA. )
• Levegg med høgd inntil 1,8 meter og lengd inntil 10 meter. Avstand til nabogrense 1 meter. 
• Levegg med høgd inntil 1,8 meter og lengd inntil 5 meter, kan plasserast inntil nabogrense. 
• Mindre fasadeendring utan at  bygningen sin eksteriørmessige karakter vert endra
• Mindre endringar etter kommunen sitt skjønn
• Oppsett av badestamp, jacuzzi eller linknande som ikkje er kopla til offentleg avløpsnett
• Mindre støttemurar
• Mindre fyllingar
• Oppsett av skilt inntil 3 meter montert på vegg
• Antennesystem inntil 5 meter
• Graving av grøfter, hugs tillating frå grunneigar
• Drenering
• Oppføring/riving innafor ei bueining
• Endring av sanitærinstallasjonar innan ei bueining