Regler for ferdige landbruksveger
Det er, per februar 2024, kome ei presisering frå Landbruks- og matdepartementet (LMD) og Landbruksdirektoratet (LDiR). Det er ikkje mogeleg å søkje om å få handsama og evt. godkjent ein veg som allereie er ferdig bygd etter Forskrift om planlegging og godkjenning av landbruksvegar. Det er da berre mogeleg å søkje om å få den handsama og evt. godkjent etter reglane i Plan- og bygningslova.
Bygging og ombygging av landbruksveger
Bygging av nye og ombygging av eldre landbruksvegar er heimla i Skogbrukslova og Jordlova, og blir handsama gjennom Forskrift om planlegging og godkjenning av landbruksvegar.
Planlegging for optimal utnyttelse
Under planlegginga av nye vegar skal ein sjå det området som terrengmessig blir avgrensa som eit skogsdriftområde som ein heilskap, og vegane i dette området blir planlagt som ei heilskapsløysing på tvers av eigedomsgrenser for å utnytta skog- og utmarksinteressene på ein best mogeleg måte. Landbruksvegar skal planleggjast, byggjast og godkjennast etter normalar for landbruksvegar gjevne ut av Landbruksdepartementet.
Søking og mer informasjon
Meir informasjon og søknadsskjema for å søkje om bygging av landbruksvegar kan finnast på nettsida til Landbruksdirektoratet.
Du vil også finne mykje god informasjon på Skogkurs.no.
Søknaden skal sendast den eller dei kommunane der veganlegget er lokalisert. Naboar og rettshavarar skal varslast om søknaden.
Søknaden blir behandla av kommunen. Statsforvaltaren i Agder er klageinstans.
Kommunalt tilskot
I Åseral kommune blir det gjeve kommunalt tilskot til landbruksvegar. For meir informasjon sjå kommunen sine. Reglane for kommunale tilskot i landbruket 2024 Åseral kommune (PDF, 226 kB)