Omdisponering
Føremålet med jordlova
Føremålet med jordlova etter §1 er å sikra at arealressursane blir disponerte på ein måte som «gjev ein tenleg, variert bruksstruktur ut frå samfunnsutviklinga i området og med hovudvekt på omsynet til busetjing, arbeid og driftsmessig gode løysingar.» Det skal takast omsyn til at «ressursane skal disponerast ut frå framtidige generasjonar sine behov» og dei skal forvaltast på ein miljøforsvarleg måte som mellom anna skal «ta omsyn til vern om jordsmonnet som produksjonsfaktor og ta vare på areal og kulturlandskap som grunnlag for liv, helse og trivsel for menneske, dyr og plantar.»
Reglar for omdisponering av jord
Dyrka og dyrkbar jord er ein grunnleggjande ressurs for å sikra matforsyninga på kort og lang sikt. Viss eigaren av ein landbrukseigedom ønskjer å bruka dyrka jord til andre formål enn jordbruksproduksjon, må det difor søkjast om løyve til omdisponering etter jordlova frå kommunen.
Søknadsprosessen for omdisponering
Søknad om omdisponering blir handsama etter jordlova §9. Det er ikkje eige søknadsskjema for dette, men søkjar må grunngje søknaden og leggja ved kart som viser arealet som blir søkt omdisponert.
Nyttige lenkjer for omdisponering
Meir informasjon om omdisponering kan finnast på nettsida til Landbruksdirektoratet og meir informasjon om å søkja på omdisponering av dyrka og dyrkbar jord kan finnast her.
Handsaming og klageinstans for søknader om omdisponering
Søknaden blir handsama av kommunen. Statsforvaltaren i Agder er klageinstans.
Innsending av omdisponeringssøknader
Søknad om omdisponering blir send til kommunen:
Epost: post@aseral.kommune.no
Post: Åseral kommune, Gardsvegen 68, 4540 Åseral
Deling
Viss eigar av ein landbrukseigedom ønskjer å overdra delar av eigedomen, er det nødvendig med løyve etter jordlova sin §12.Viss føremålet med delinga gjer det nødvendig med samtykke til omdisponering etter jordlova sin §9, kan delingssamtykke ikkje gjevast utan at det er gjeve samtykke til omdisponering.
Sakshandsaming
Søknaden blir handsama av kommunen. Statsforvaltaren i Agder er klageinstans.
Kostnader
Handsamlingsgebyr for søknad om deling er fastsett med heimel i Forskrift om gebyr for handsaming av konsesjons- og delingssaker. Handsamlingsgebyret er 2000 kroner.
Søknadsprosessen
Søknad om deling blir send til kommunen:
Epost: post@aseral.kommune.no
Post: Åseral kommune, Gardsvegen 68, 4540 Åseral