Mål med helseteknologi
Målet med helseteknologi er å skape ein tryggare og enklare kvardag både for brukaren, pårørande og helsepersonell. Helseteknologi kan gje betre tenester for heimebuande eldre, pasientar på sjukeheim, pasientar innan rus og psykisk helse og personar med nedsett funksjonsevne.
Kategoriar av helseteknologi
Helseteknologi blir delt inn i 4 kategoriar:
1) Tryggleiks- og tryggingssteknologi
Tryggleiks- og tryggingssteknologi kan brukast for å skape trygge rammer rundt enkeltindividet sitt liv og meistring av eigen helse. Tryggleiksalarm er den mest brukte løysinga i denne gruppa, som blir utvida med melde- og lokaliseringsteknologi og ulike former for sensorar som kan detektere fall, brann, osv.
2) Kompensasjons- og trivselsteknologi
Kompensasjons- og trivselsteknologi hjelper når til dømes minnet blir dårlegare, eller ved fysisk funksjonshemming. Dette omfattar også teknologi som gjer kvardagslivet enklare, som til dømes sensorar for styring av lys og varme.
3) Teknologi for sosial kontakt
Teknologi for sosial kontakt hjelper menneskjer med å komme i kontakt med andre. Eit døme er videokommunikasjonsteknologi.
4) Teknologi for behandling og pleie
Teknologi for behandling og pleie gir menneskje høve til å meistre eigen helse betre, til dømes ved kroniske sjukdommar. Automatiske instrument for måling av blodsukker, blodtrykk er døme på slike hjelpemiddel.
Døme på teknologi i bruk
GPS
Dørsensor
Fallalarm
E-lås
Medisindispensar
Kven kan få?
Kommuna kan tilby helseteknologi som eit ledd i helse- og omsorgstenesta. Når kommuna mottek søknad vil det bli gjort ei kartlegging av behov og ei fagleg vurdering før vedtak blir fatta.
Slik søkjer du
Du kan søkje via dette skjemaet: Søknad om helse- og omsorgstenester i Åseral kommune (PDF, 382 kB)
Kva kostar det?
Helseteknologi er ei prisa teneste som regulert ut frå kommuna sitt gebyrregulativ/prisliste. Det vil avhenge av type teknologi.