Heimesjukepleie

Heimetenesta gjev pleie og omsorg til sjuke og funksjonshemma i eiga heim og kan til dømes omfatte hjelp til å halde ei naturleg døgnrytme, hjelp til personleg hygiene, medikamenthandtering, observasjon og liknande. Føremålet er å bidra til at personen held oppe og styrkjer eigeomsorga si og kan halde fram med å bu heime i eiga bustad.

Kven kan få tenesta?

Alle som bur eller oppheld seg i kommunen kan søkje om tenesta.

Når kommunen mottek søknad om heimesjukepleie vil det kome nokon heim til deg for å kartlegge behov før søknaden blir handsama og vedtak fatta.

Søkar sin heim skal oppfylle Arbeidsmiljøloven sine krav til det fysiske arbeidsmiljøet. Det er difor eit vilkår at du må vere villig til tilrettelegging for å kunne ta imot hjelp i heimen.

Dei som mottek tenesta må sørge for at vegen er framkommeleg for dei som skal yte hjelpa. Det skal vere lys på tun og på vinterstid skal vegen vere brøyta og strødd.

Søkjarar frå utanfor kommunen

Er du ikkje busett i kommunen, men ynskjer å søkje om heimesjukepleie medan du oppheld deg her, så må du søkje så tidleg som mogleg, og seinast 3 veker før du kjem. Dette gjeld spesielt i dei tilfella du har eit omfattande behov for hjelp.