Kommunal øyeblikkelig hjelp
I Åseral kommune er det 1 kommunal øyeblikkeleg hjelp plass (KØH). Denne plassen er lokalisert på Åseralsheimen.
Tenesta skal vere tilgjengeleg heile døgnet, og lengda på eit slikt opphald er maks 3 døgn (72 timar). KØH er for den som har behov for eit kortvarig og behandlingsintensivt opphald.
Opphaldet skal bidra til redusert innlegging i sjukehus.
Kven kan nytte KØH-plass?
Det er fastlegen, sjukeheimlegen eller legevaktslegen som kan legge pasientar inn på KØH-plass.
Kriteria for eit slikt opphald er mellom anna stabile pasientar med avklart diagnose der hovudproblemet er akutt sjukdom som kan undersøkjast og behandlast etter vanlege allmennmedisinske metodar. Pasienten må vere over 18 år.
Pris for tenesta
Opphald på KØH-plass er gratis.
Relevante lover og føresegner
Helse- og omsorgstenesteloven § 3-5
Forskrift om eigenandel for kommunale helse- og omsorgstenester § 1