Avlastingopphald på institusjon

Avlastingsopphald på institusjon er eit tidsavgrensa opphald i sjukeheim. Kommunen skal tilby naudsynte avlastingstiltak til pårørande og andre med særleg tyngande omsorgsoppgåver. Målet er å førebygge overbelastning og gje tiltrengde kvilepausar i kvardagen. Avlasting har også som mål å sørge for naudsynt og regelmessig ferie og fritid for den som har omsorg for andre. Opphaldet kan variere i lengde, og skal vere individuelt tilpassa. Det mest vanlege er ei veke eller to, og nokre kan ha fast rullering gjennom året.