Samarbeid skule - heim

Ifølgje opplæringslova § 13-3d har skulen plikt til å sørge for samarbeid med foreldra til elevane.

Foreldresamarbeid skal ha eleven i fokus og bidra til elevens faglege og sosiale utvikling. Eit godt foreldresamarbeid er ein viktig ressurs for skulen for å styrke utviklinga av gode læringsmiljø og gi best mogleg læringsutbyte for eleven.

Foreldreutvalet for grunnopplæringa (FUG)

FUG blir utnemnd av Kongen i statsråd og er oppteken av:

  • Heim-skule-samarbeid
  • Å ivareta foreldra sine interesser i skulesamanheng
  • Å gi kunnskap om korleis heim-skule-samarbeidet fungerer
  • Å gi kunnskap om korleis foreldre kan støtte sine born
  • Å setje dagsorden og støtte foreldre når det kjem til sentrale tema som innemiljø, mobbing, foreldremøte, skulearbeid, med meir.

Foreldrerådets Arbeidsutvalg (FAU)

Alle foreldre/foresette som har born i grunnskulen, er medlemmer av Foreldrerådet. Foreldrerådet vel eit arbeidsutval (FAU). Dette blir som oftast gjort ved at kvar klasse vel sine representantar.

FAU skal vere representert i skulen sitt samarbeidsutval.

Samarbeidsutvalet (SU)

SU er skulen sitt øvste rådgivande organ og her er alle partane i skulen representert: elevar, foreldre, undervisningspersonalet, andre tilsette og to representantar frå kommunen, der rektor skal vere ein av dei.

SU har rett til å uttale seg i alle saker som gjeld skulen.

Annan informasjon:

Lov om grunnskoleopplæringa og den vidaregåande opplæringa (opplæringslova)