Skriftleg Eksamen
Alle elevar i 10. klasse i grunnskulen skal trekkast ut til skriftleg eksamen i engelsk, matematikk eller norsk (både hovudmål og sidemål). Skriftleg eksamen kan ha forberedingsdel. Informasjon om dette finn du i eksamensplanen. Utdanningsdirektoratet har ansvar for oppgåvene, rettleiinga av sensorane, og sensuren. Meir informasjon om eksamen og eksamensdatoar for skriftleg eksamen finn du hos Udir. Datoar for skriftleg eksamen i grunnskulen.
Munnleg Eksamen
Ansvaret for gjennomføring av lokalt gitt munnleg eksamen er lagt til kommunen som skuleeigar. Gjennomføringa omfattar trekking av fag og elevar, skaffe sensorar og utarbeide eksamensoppgåver. Rektor ved ungdomsskulane har ansvar for den praktiske gjennomføringa av munnleg eksamen. Faglæraren har plikt til å utarbeide forslag til eksamensoppgåver.
Munnleg eksamen skal gjennomførast med ein forberedingsdel som er ein obligatorisk skuledag dagen før eksamen. Skulen må legge best mogleg til rette for elevane i forberedingsdelen og ha ein plan for dette.
Klage på Eksamen
Du må klage innan 10 dagar etter at du fekk karakteren. Elevar - er du under 15 år og vil klage, må foreldra/foresatte gje skriftleg samtykke. Foreldre/foresatte til umyndige elevar
Kva skjer når du klager?
Statsforvalter i Agder er klageinstans. Ein klagenemnd vurderer om karakteren du fekk er rett. Klagenemda får karakteren du fekk ved den ordinære sensuren. Nemda skal ha besvarelsen og eventuelle opplysningar som ligg ved. Dersom klagenemda meiner karakteren er feil i høve til eksamensprestasjonen set dei ny karakter. Karakteren kan setjast opp eller ned.
Klage på Munnleg Eksamen
Du kan berre klage på formelle feil som kan ha noko å seie for resultatet. Sensor, faglærar og rektor uttalar seg, og sender uttalane til Statforvalter i Agder. Kopi sendast til deg eller foreldra dine. Dersom du får medhald i klagen annullerast karakteren.
Slik klager du
Klagen skal vere skriftleg. Klagen må underteiknast. Klagen skal sendast til skulen. Du treng ikkje grunngje klagen.
Annan Informasjon
Utdanningsdirektoratet, Eksamen
Oversikt over datoar for eksamen