Historia og bygningane til skulen
Sjølve skulbygningen var ferdigstilt og klar til bruk hausten 1972.
Etter fleire påbyggingar og ombyggingar gjennom åra, er resultatet eit moderne og romsleg skulebygg.
I 2013 fekk ungdomsskulen eige bygg. Ungdomsskulebygget er tilknytt fleirbrukshall, som inneheld idrettshall, symjehall og auditorium som t.d. ungdomsklubben og bygdekinoen brukar. Symjehallen er me så heldige å kunne bruke i alle trinn, heile året.
Uteområde og fasilitetar
Uteområdet vårt er stort, med ballbinge, leikeområde, klatreområde og handballbane.
I 2013 blei Åseral Idrettspark ferdigstilt. Dette er eit flott friidrettsanlegg som er bygd like ved skulen, og som er blitt ein viktig del av uteområdet til elevane. I tillegg fekk ungdomsskulen eige uteområde, ein aktivitetspark, som blei ferdigstilt i 2017.
Uteskule og park
Me har eit uteskuleområde i umiddelbar nærleik til skulen. Dette blir mykje brukt, særleg i dei lågare klassetrinna. Me har også ein park like ved skuleområdet, som blir brukt til ulike aktivitetar, t.d. aking på vinteren.
Skulen sin visjon
Visjonen til skulen: TRYGGLEIK, TRIVSEL OG LÆRING