Odd Helge Liestøl
Kommunen har fått midlar frå Husbanken til å gjennomføre ein arkitektkonkurranse. Heile 12 firma leverte tilbod, og no er tre firma valde ut til å kome med sine forslag. Desse er: Asplan Viak, TRAFO arkitektur og Aksent Arkitekter.
Forslaga skal presenterast for Åseral kommune før nyttår, den 16. desember. Ambisjonen vidare er å legge prosjektet ut på anbod som totalentreprise i løpet av 2026, der heile eller delar av dei ulike konsepta kan bli nytta.
Oppstartsmøte er gjennomført, og i etterkant av første prosjekteringsmøte den 20. oktober vil vi legge til rette for medverknad – særleg med tanke på næringsarealet.
Vi håpar at alle som har ein gründer i magen, eller vurderer å flytte verksemda si inn i det nye bygget, blir med på dette. Me kjem tilbake med informasjon om tidspunkt – følg med i innbyggjarappen og på heimesida.
Har du innspel eller spørsmål, er det berre å ta kontakt!
For styringsgruppa
Ordførar Inger Lise Lund Stulien